Korali Bethel ibarizwa muri ADEPR Nyarubande mu mujyi wa Musanze mu rurembo rwa Muhoza yongeye gushyira hanze indirimbo yuzuye amashimwe, iyi ndirimbo bahita Bayita WABANYE NATWE.
Ni indirimbo nziza ikozwe mu buryo bugezweho bwa Live recording, igaruka ku bihe Imana yabanyujijemo nkuko bigarukwaho na bwana NIREMBERE Patrick Umuyobozi wa Korali Bethel mu kiganiro yagiranye na Sion.rw.
Iyi ndirimbo igiye hanze nyuma y’izindi ndirimbo zagiye hanze mbere biyigira iyakane, nyuma ya YESU ARAJE, NIMUSHAKE UWITEKA na HUMURA zose zikozwe mu buryo bwa Live recording.
